Chans e Lus castes brancas 2015

Chans e Lus castes brancas 2015

Chans e Lus castes brancas 2015

Bernardo Estévez empezou o seu mapa de viñas no 2001 nos vales de San Vicente e San Amaro, en Arnoia concello e río, no Ribeiro. Trinta pequenas parcelas espalladas en distintas zonas. Diversidade de chans de orixe granítica e diversidade de luz en viñas con todas as orientacións posíbeis.

Impresiona a riqueza varietal que nutre os viños deste viticultor. Brancas: treixadura, lado, silveiriña, albilla, albillo, godello, loureira, verdello antigo. Tintas: caíño da terra, carabuñeira, trincadeira, tinta amarela, espadeiro, brancellao, sousón, ferrol, caíño bravo, caíño longo, caíño redondo, tinto serodo, corbillón, tinta roriz, mencía… Sigue lendo

Para do Pé 2013

Para do Pé 2013

Para do Pé 2013

Toca falar dunha excelencia galega lendaria e centenaria: o viño tostado. De gran tradición e sona no Ribeiro, mais presente tamén historicamente en Valdeorras ou a ribeira de Amandi. É un viño naturalmente doce, de uvas maduras e pasificadas por ventilación, un viño de pasas con crianza habitual en barrica.

O nome Para do Pé rende homenaxe ademais a un lugar mítico e máxico en Francelos, Ribadavia, onde ao longo de 800 anos unha morea de monumentais socalcos de granito acolleron centos de cavaduras de viñedo. Un lugar representado na etiqueta pola ilustradora eslovena Natasha Lelenco, onde aínda fican os restos da adega do avó de Antonio. Sigue lendo

Galicia-rexion-vitivinicola-2017

Galicia é candidata á mellor rexión vitivinícola do mundo no 2017

Polo noso potencial enoturístico, por posuír viños de gran calidade e por ter a capacidade de maridalos facilmente coa nosa gastronomía, Galicia opta a ser a Rexión Vitivinícola do Ano 2017. A prestixiosa publicación norteamericana Wine Enthusiast considera que temos “algúns dos viños máis interesantes de España” e por iso inclúe a Galicia entre as cinco rexións que optan a recibir esta distinción.

A revista publicou recentemente a súa lista de candidatos aos Wine Star Awards, uns premios cos que se recoñece anualmente o labor de personalidades, organizacións e zonas relacionadas co mundo do viño. Nesta edición Galicia competirá con outras catro grandes rexións vitivinícolas a nivel internacional:

Margaret River, en Australia Occidental; unha zona con preto de 200 bodegas situada no Océano Índico con excelentes tintos (Cabernets) e brancos (Chardonnays) ó estilo Burdeos.
Sonoma County, en California; con máis de 425 bodegas censadas considerase una auténtica boutique do bo viño.
Southwest France, no suroeste de Francia; nada máis e nada menos que na zona de Burdeos. Unha rexión de produción variada, de gran calidade e moi apreciada entre o consumidor norteamericano.
Umbria, no centro de Italia; una rexión Patrimonio da Humanidade pola Unesco, punto de referencia do turismo italiano. Viños como o Orvieto bianco ou o Sagrantino di Montefalco son exemplos do seu potencial.

Para saber se finalmente Galicia consegue alzarse con este premio teremos que esperar ao próximo 29 de xaneiro do 2018 na gala que se celebrará en Miami. Será daquela cando se darán a coñecer os premios nesta e nas outras quince categorías restantes (Persoa do Ano, Produtor de Viño, Importador, Viño Europeo ou Viño Americano, entre outras).