A historia comeza en Cuba. Antonio do Nicho emigrou aló en 1918. Logo de facer algúns cartos durante tres anos na Habana, retornou e mercou a finca A Mingona. É unha das que miran ao Miño na impoñente ladeira de San Fiz en Chantada. Hoxe David Vázquez “Pinancho”, asumiu o reto de continuar a tradición familiar e saca ao mercado este viño-homenaxe.
No 2018 unha tormenta de sarabia arrasou a metade da colleita, así que só ven a luz 720 botellas numeradas. “É un proxecto moi cativo, pero cheo de ilusión e de gañas por traballar no entorno que máis nos gusta”, di Pinancho, á súa vez director audiovisual de “Asolagados” e “O Moredo. A resistencia do entroido ribeirao”.
O viño impacta pola súa autenticidade e diferenciación. Viticultura respectuosa co medio sen herbicidas, e vinificación sinxela.
