A sona histórica do tinto do Condado, “célebre dende Pedro Madruga” en palabras de Álvaro Cunqueiro, collerá folgos con este novo viño, recén saído ao mercado. Procede de viñas con solos areosos de orixe granítica situadas en Salvaterra e As Neves, mirando cara o río Miño.
Entrevideiras agrupa neste proxecto a César Alonso, Mari Álvarez, Anxo Eiras e Rocío Garrido, boa xente do mundo do viño. Un equipa con experiencia procedente da tradición, do coñecemento, da formación, do traballo e da paixón.
Un viño coidado na viña e na adega, que fala das variedades (sousón, pedral, espadeiro e caíño) e da zona. Serio, fresco e elegante, para recomendar sen medo.
Cunqueiro volvería escribir sobre as terras do Condado, despois de probar o Señor Cuco: “levo na memoria algún que outro tinto perfecto”.
