AMNOS DEI

As indicacións xeográficas protexidas achegan historia e solidez aos viños galegos. Val do Miño Ourense está nas terras do tramo do Miño entre o Ribeiro e a Ribeira Sacra, ao redor da cidade de Ourense.

En Coles coñecemos o Amnos Dei, nome e etiqueta con inspiración nas esculturas da cuberta da Igrexa de Santo Eustebio da Peroxa, en Ferreiros. Un branco 100% de treixadura e con maceración de 3 días nas peles da uva. A maceración de brancos non é convencional hoxe, mais é tradicional e achega intensidade de cor, estrutura e complexidade aromática.