AS BATEAS

Recomendamos brancos con crianza por potencial gastronómico, polo salto cualitativo que simbolizan nos brancos galegos e polo goce na copa.

A adega nace nunha familia que produce mexillón e fai viño para autoconsumo en Pombal Noalla, Sanxenxo, ao pé da Lanzada. Suso e Chema apóianse na enóloga Laura Montero e Dominique Roujou para impulsar a conversión a ecolóxico das súas viñas e elaborar as distintas marcas.

As Bateas ten crianza sobre lías en depósito de aceiro inoxidábel e en botella. Vivo, persistente, sápido e complexo. O mar nos sentidos.