ROANDI GODELLO

O godello de Valdeorras, un apelido lle poñemos para recoñecer e desfrutar da excelente simbiose que a variedade e a zona crean. Pero faltaba o viticultor e a finca e aquí é onde este Roandi Godello  chegan ao seu estado puro, as ladeiras da parroquia de Éntoma, e as mans de Rogelio Moral fan o resto, pois ben, xa sabedes o que tedes nesta botella terra e alma, mineral e paixón, a esencia do godello de Valdeorras.

Roandi é un nome creado por rogelio que reflicte a continuidade da súa familia no mundo do viño, os seus netos dos que pretende continúen o esforzo e adicación incansable por sacar adiante este soño, e como ramo adícalle unha marca , un viño e unha caste que no conxunto constrúen o viño que debedes probar con espíritu alegre e decidido.