GOLPE A GOLPE BRUT NATURE

Seguimos descubrindo os peculiares viños cos que Roberto Fuentes nos abraia desde Tremoedo, en Vilanova de Arousa. Despois dunha etapa de traballo enolóxico en Catalunya, traslada ás terras do Salnés as mellores técnicas de elaboración de espumantes.

Dúas chaves da súa calidade e diferenciación: 20 meses de crianza en rima para afinar e integrar ben a burbulla de carbónico; e unha combinación imbatíbel de albariño cun 25% de uva loureira branca.

Fresco, rico, elegante e suave. Unha opción ideal como primeiro viño dese encontro que tes en mente.